المرأةمنوعات

“السرطان” مرض يهدد كل بيت مصري

إعلان

خاص ع المكشوف…

بيتك بالنسبة لك هو مكان تتجمع فيه مع العيلة وتقضي أوقات حلوة وتكوّن معاهم ذكريات جميلة، بس إنتي عارفة إن في كام حاجة كدة في بيتك ممكن تكون بتدمر في صحتك وصحة عيلتك ؟ لأ ومش كدة وبس، دول كمان ممكن يزودوا نسب الاصابه بالسرطان!!!

6 أشي لازم تخلى بالك منهم لو هما موجودين في بيتك:

معطر الجو

أولا فيه مواد مسرطنة اللي هي ممكن تسبب الخلايا السرطانية في جسمك. فيه كمان مواد كيماوية ممكن تسبب حساسية الصدر وتأثر على الصحة الإنجابية لو عايزة بديل صحي إعملي فواحة ورد مجفف مثلا.

مستلزمات الرسم

حاجات كتير منهم فيها كيماويات مرتبطة بالسرطانات والحساسيات المختلفة وكمان ضمور الأعضاء، الكيماويات دي موجود بالذات في الإيبوكسي، الماركر البيرمينات أو اللي مابيتمسحش، الألوان الأكريليك، والأسمنت المطاطي.

الأطفال بيبقوا أكتر عرضة للأمراض من الكيماويات دي لأن جسمهم وجهاز مناعتهم لسة مش كامل أو قوى كفاية.

البديل الصحي: دورى على الألوان والحاجات اللي مافيهاش مواد كيماوية.

الشامبو

الشامبو اللي موجود في الصيدليات والمحلات دول كلهم مواد كيماوية ضارة جدا زى الصوديوم مثلاً. إقري المكونات وإنت تعرفي. دايماً اختارى منتجات فيها اقل نسبة كيماويات وإسألى الصيدلى عن احسن نوع وهو يفيدك.

الشمع

حوالى 40% من الشمع فيه فتيل رصاص وخصوصا الشمع المعطر. الفتيل الرصاص ده بيطلع رصاص أكتر 5 مرات من الفتيل العادي ودي كمية ممكن تكون خطر على الأطفال وتسبب تسمم الرصاص. الشمع اللي بفتيل رصاص ده كمان خطر على البيئة ومش بيتبع تعليمات منظمات حماية البيئة

التعرض الكتير للرصاص أو تسمم الرصاص ممكن يسبب أضرار كتير منها: مشاكل في التعلم، مشاكل في إفراز وتنظيم الهرمونات ،مشاكل سلوكية، ومشاكل صحية تانية كتير

بدل الشمع المعطر، ممكن تفكرى فى شمع نحل بفتيل قطن وممكن كمان تحطي عليه كام نقطة زيت من الزيوت الأساسية علشان يعطر لك المكان.

ستارة البانيو

ستاير البانيو أو الحمام البلاستيك ممكن تسرب مواد كيماوية مسمِمَة للبانيو أو الشاور. من ضمن المواد اللي ممكن تتسرب لبيئتك هي مادة ضارة إسمها VOC .ودي بتسبب صداع ووجع في الزور

البديل الصحي: حاول تجيب ستارة مش بلاستك.

مزيل العرق

مزيل العرق بيقعد على جسمك بالساعات وخلال الساعات دي جسمك بيمتص منة كذا مادة مسرطنة.

البديل الصحي: دوّري على مزيل عرق طبيعي أو جربي الكربونات مع الخل وكام نقطة زيت من الزيوت الأساسية .

خدوا شوية من وقتكم النهاردة علشان بيتكوا يبقى آمن أكتر. لو عملت كدة هتبقى بتحسن صحتك وصحة عيلتك كتير. وبما إن المواد دي موجودة في كل بيت

 

 

 

مقالات ذات صلة

رأيك يهمنا شارك الان

زر الذهاب إلى الأعلى