نصائح هامة للكبار والأطفال لتجنب الأمراض من العاصفة الترابي
ع المكشوف . دعاء الشريف
مع بدء العاصفة الترابيه نعرض لكم بعض النصائح الطبية للكبار والاطفال لتجنب الأمراض .
1- عدم الخروج إلا للضرورة ، ولو خرجتو منديل علي الانف والافضل ماسك طول ما احنا ماشيين في الشارع
2-شرب مياه كثيره .
3-شرب سوايل دافية بصفة مستمرة (ينسون-تليو-نعناع) يساعد في تحسين الجهاز التنفسي .
4-التراب ناعم يدخل البيوت ، ولتجنب ذلك ضعي قماشه تحت وفوق الشباك والأفضل لو مبلوله ،، هتمنع دخول التراب الناعم .
5 – نغسل أيدينا ووجهنا باستمرار ، ومسح وجه الطفل الرضيع بفوطه قطن مبتله .
6- في حالة السعال يجب علاجه بالسوايل الدافيه ، ومعالجة انسداد الأنف بمحلول الملح أو ماء البحر .
7-اللي بيعاني من حساسية الأنف يلتزم أو يزود في جرعات البخاخه زي نازونكس وآڤاميس،، وياخد معاهم مضاد الحساسية زيرتك او تيلفاست .
8-اللي بيعاني من حساسية صدر يلتزم ببخاخاته سواء موسع شعب (ڤنتولين -اتروڤنت) ، مع الكورتيزون الإستنشاقي (فليكسوتيد-الڤيسكو) ولو ماشي علي بخاخة فيها الإثنين مع بعض يلتزم بيها(سيرتيد-سيمبيكورت) .
– لو بتعاني من حساسية جلد ، استمر علي الزيرتك أو التيلفاست واستخدم صابونة جليسرين مع الغسيل
– لو بتعاني من حساسية العين متفكرش تخرج اساسا ، ونستمر علي زيرتك أو تيلفاست واستخدام القطرات المناسبه .