محافظات

مكتب بريد اسيوط النموذجى … حلوتك يا وزارة بعد التطوير

إعلان

 

كتب .. شحاتة احمد
بعد تطوير مكتب بريد فى اسيوط امام فندق بدر بجوار المحطه و تم تطويره ويا ريته ما أتطور .
يقول المواطن تروح علشان تأخد خدمه يرتفع ضغط الدم لديك حتى تكاد شرايينك ان تنفجر فمنذ دخولك وأخذك لرقم ستعرف من الرقم أن أمامك على الأقل 200 عميل ناهيك عن المعامله السيئة من الموظفين بداية من توزيعك على الشبابيك علشان تقف طابور تانى مع ان الرقم مفترض انك مفيش غيرك على الشباك لكن زى بعضه ولما توصل للشباك مثلا علشان تصرف حواله يقولك روح صور البطاقه وتدوخ بقى علشان تلاقى مكتبه تصور فيها وترجع تقنعه ان انت اللى كنت واقف من 5ساعات بس روحت تصور البطاقه ولما يقتنع يطلب منك المستحيل التالى عايز 2 حنيه فكه ?.. اما لو عايز تعمل حواله مثلا لابنك فى الثانوية العامه للمديرية والاداره التعليمية لطلاب المنازل فأنصحك تشوف واسطه كبيره لانه هيقولك دفتر الحوالات خلص ..
اما لو حاولت تدور على مدير المكتب تشتكيله فمتتعبش نفسك لان مكتبه من داخل المبنى ولازم تعدى الحواجز الامنيه علشان توصله ولو وصلتله مش هيحل حاجه ….
ده غير الكراسى المكسره الغير آدميه .. هكذا يحكي المواطن بألم وقهر ..

مقالات ذات صلة

رأيك يهمنا شارك الان

زر الذهاب إلى الأعلى