أكلة تجنن ” المسقعة بالبشاميل”

خاص ع المكشوف 

على طريقه الشيف أحمد حشاد

المقادير:-

1 كيلو بازنجان رومى مقشر ومقطع اسلايز
نصف كيلو لحمه مفرومه
بصله مفرومه
فص ثوم مفروم
1 طماطم مبشوره
ملح فلفل اسود جوز الطيب مبشوره كزبره ناشفه زعتر وروزمارى ان وجد
بشاميل وده طريقته قلناها قبل كده فى اكتر من وصفه على البيدج
جبنه مبشوره اى نوع لو رومى او شيدر او مودزاريلا ويفضل المودزاريلا

الطريقه:-

بعد تقطيع الباذنجان بتبله بالملح والفلفل والزعتر وبعدين بعفره بشويه دقيق عشان ميشربش زيت كتير منى وبعدين بقليه فى الزيت بعد كده بطلعه وبحطه على ورق مطبخ عشان ميتشربش الزيت وفى حله على النار بحط شويه زيت بسيطه وبعدين البصل المفروم وبعدين اللحمه المفرومه بعصجها كويس وبحط الثوم المفروم والطماطم المبشوره وبقلب كويس بتبلها بالملح والفلفل والزعتر والروزمارى بعد كده برفعها من على النار بعد متتعصج وبجيب صينيه بدهنها بشاميل بعد كده بحط طبقه من البازنجان ثم طبقه اللحمه المفرومه ثم طبقه البازنجان التانيه بعد كده بغطى الصينيه بالبشاميل زى المكرونه البشاميل بظبط وحط جبنه مبشوره على وش الصينيه وبدخلها الفرن لمده 15 دقيقه لحد وش الصينيه ميتحمر *****hashad