ايمان غنيم
قال الرئيس عبدالفتاح السيسي، لخريجى الكليات العسكرية، إن المهمة التى تدربتم من أجلها حتى تقوموا بتنفيذها هى من أشرف المهام.
وأضاف الرئيس السيسي، خلال كلمته فى حفل تخرج عدد من الكليات والمعاهد العسكرية: “مهمة حماية وطن وترابه وحماية أهله وناسه أمر شريف وعظيم قوى”، مضيفا: “الحقيقة الذى يقدم من أجل حمايته هى الروح والدم، مبيتقدمش جهد وعرق وسهر بس، لأ، ده بيتقدم روح ودم وأعتقد إن الحياة أغلى ما يمتلكه الإنسان”.
وجدد الرئيس، التأكيد على خريجى الكليات والمعاهد العسكرية، على أهمية الالتزام والانتباه والعلم والتحصن به، مضيفا: “محتاجين كمان تبذلوا الجهد فيه مع اشقائكم المجندين الموجودين معاكم فى وحداتكم، وهو موضوع الوعي”.
وأضاف السيسى، خلال كلمته فى حفل تخرج عدد من الكليات والمعاهد العسكرية: “موضوع الوعى موضوع مهم وخطير، وهى مهمة تضاف لما تبذلوه وهو بناء وعى حقيقى لأخوك المجند اللى جاى يقعد معاك سنة أو أكتر عشان هو كمان يساهم بوعيه مع أسرته، مفيش تحدى يقابل بلدنا والبلاد المستهدفة بأجيال الحرب الحديثة إلا بمقابلتها بوعى حقيقى، وبكرر الكلام ده كتير وليه الإلحاح فى الإشارة للخطر ده، لأنه لا يقل خطر عن أى معتدى يمكن أن ينال من الدولة أو يعتدى عليها لأن الهدف والقضية كلها إزاى يحركوا الشعوب لإيذاء بلدهم، وكل القضايا والمشاكل فى الدول لا تنتهى لأنها سنن الدنيا مفيش مطلق دولة كاملة، لكن الفكرة إزاى أحشد الرأى العام بالسلب من خلال التشكيك”.
