“عقبالنا يارب” رسالة إلى مدير أمن القليوبية
رئيس التحرير : يكتب
بقلم / أحمد عبدالكريم
مدير امن ” الجيزة ” يقود بنفسه حملات لتطهير شوارع المدينة
من البلطجية و الخارجين عن القانون.
يا رب عقبال لما نشوف مدير امن ” القليوبية ” يقود حملات نهارية ، و ليلية
لتطهير شوارع مدينة ” شبرا الخيمة ” ، و باقي مدن المحافظة من البلطجية ، و الصيع ، و تجار المخدرات الذين يستخدمون ” التوك توك ” ، و الدراجات النارية في بيع المخدرات ليلاً علي الشباب المدمن المتسكع في الشوارع و عامل ازعاج للناس..
شوية اهتمام بالمواطنين يا سيادة اللواء مدير امن ” القليوبية ” .. و لو حضرتك مش قادر تقود حملة.. كلف السيد اللواء مدير المباحث.. و لو سيادته مش فاضي.. يكلف سيادة العميد رئيس مباحت المديرية ، و لو سيادته مش فاضي يكلف سيادة رئيس فرع البحث الجنائي ، و لو حضرته مش فاضي.. يكلف سيادة رئيس مباحت القسم او المركز ،.. و لو مش فاضي.. يبقي الامر لله من قبل و من بعد و العوض علي الله.
