الرياضة

رساله من مشجع أهلاوي و”طبيعه النادي الأبيض ..يكسب اذا لعب بدون ضغوط”

إعلان

received_653491611477866

خاص ع المكشوف

كتب/سامح حسني

اولا هارد لك للنادى الزمالك . انا والله كنت بشجع بحراره وتعصب ويشهد عليه اصحابى اللى كانو حواليا وكانو بيقولولى هو انت قلبت زملكاوى ولا ايه وكنت بقولهم انا مصرى بحب مصر كلها وكل انديتها ولما فريق بيمثل مصر لازم اشجعه اى فريق حتى لو مركز شباب شلاتين ومع ذلك زعلت قوى بعد المباراه لما حسيت انا الزمالك معملش المطلوب منه عشان يكسب وياخد البطوله . لو كان مدرب الزمالك عايز يكسب كان لازم يخرج اللاعبين من الضغط الهائل اللى كانو فى من صعوبه اللقاء فى ظل نتيجة الذهاب وكمان الضغط الجماهيرى الهايل اللى كان ماثر كتير على اللعيبه .ابسط مثال على ذلك كورة مصطفى فتحى اللى رقص الباك اليمين وانفرد بالمرمى وشاط شوطه عجيبه غريبه تدل على مدى اثر هذا الضغط اللى على اللعيبه نظرا لقله خبرتهم الافريقيه طبعا وعدم اللعب امام هذا الكم من الجماهير. وايضا اثر هذا الضغط على وضعيه اجسام اللاعبين فى الملعب وعلى اللياقه البدنيه طبعاالضغط بيعمل تفكك لعضلات اللاعبين ممايوثر على النفس والسرعه واللياقه وده اللى خلى لاعبى الزمالك وكانهم يجرون اكياسا من الرمال فى ارجلهم وانا لاعب كره واعرف مثل هذه الاشياء . كنت اتمنى من كابتن مؤمن ان يخرج لاعبيه من حالة الخوف والضغط وكان فقط يخبرهم ان يلعبو مباراه تاريخيه وليسو مطالبين بالبطوله يعنى بالبلدى كده اتمتعو ومتعو جماهيركم واعملو مباراه تاريخيه فى اصول الفن والهندسه ده طبعا بعد مايكلف كل لاعب بالمهام المطلوبه منه والنواحى الفنيه حسب الخطه الموضوعه .اعتقد وقتها كان الاداء هيبقى افضل اقوى واقرب للحصول على البطوله . لان طبيعة فريق الزمالك عندما يكون فى حاله ضغط لايستطيع الفوز وعندما يلعب دون ضغط وبارتياحيه يستطيع الفوز ب4 او ب5 اهداف هذه هى طبيعة النادى الابيض

مقالات ذات صلة

رأيك يهمنا شارك الان

زر الذهاب إلى الأعلى