منوعات

الخوف المبالغ فيه على الأبناء .. أسبابه ونتائجه وعلاجه..

إعلان

 

كتبت : سامية إبراهيم

كثير من الأمهات والآباء بيشتكوا من أنهم بيخافوا على أولادهم وبيقلقوا عليهم بدرجه فوق الطبيعيه.. بعضهم يعى أنها تصل لحد المرض والبعض الأخر يرى أنه طبيعى والبعض الآخر ينكر أساسا أنها مشكلة ..
فى الحقيقه هى مشكلة ومرض فعلا ..

طيب مبدئيا خلينا نتفق إن ربنا زرع بداخل الآباء والأمهات بالفطره خوف على أولادهم .. “المقدار” الفطرى من الخوف هو الأنسب والأسلم للأم وللأبناء و لو قل أو زاد سبب مشاكل عديده.. هذه النسبة من الخوف أو القلق على الأبناء هى النسبة الصحية التى تحميهم ولا تقيدهم ولا تعرضهم للخطر..

طيب تمام أعرف منين اللى عندى ده طبيعى ولا مبالغ فيه ؟؟

القلق والخوف الزائد بيسبب مشاكل جوهريه فى تركيبة الطفل النفسيه .. بمعنى مثلاً الطفل هيعيش فى حالة عامة من إحساسه أنه محاط بمخاطر .. سواء من الناس أو الأمراض أو الألعاب أو أى شيء .. محدش يستغرب لو عرفتوا إن ممكن الطفل يخاف من خياله “حرفيا” …
خوفك على ولادك من المرض يجعلهم -بصورة واعية وغير واعية – تحت رحمة أى  مرض ..ببساطه الواحد بيخاف من الأقوى منه .. بالتالى عقلك وجسمك هيستجيب للخوف ده ويضعف الجسم والمناعه و نتيجه حتمية هيحصل إصابة بالأمراض بنسبه كبيرة..
وهكذا ..
إن الخوف الفطرى يحمى ولا يقيد… يساعد على الثبات النفسى والثقه بالنفس..
إنتى كأم وأنت كأب خايفين على طفل من لعبه .. هل هى فعلاً خطرة بدون مبالغة فى المشاعر ؟
ولا هى فيها تحدى وحضرتك إعتبرت مجرد التحدى  ده خطر.. الألعاب اللى فيها تحدى بتزود ثقه الطفل بنفسه جداً وبتخليه يطلع طاقات ويكتشف فى نفسه جوانب جديدة .. خوفك اللى بيمنعه منها بيضيع عليه فرصه كبيره للتطور ..

طيب الخلاصه .
.
خوفك الضار هو اللى يطلع الطفل جبان أو إنطوائى هو خوفك اللى يطلع الطفل عدوانى وغير متقبل الإختلاف ..

* وهنا نراعى أن الأطفال شخصيات مختلفه بعضهم إنطوائى بطبعه أو خجول بطبعه *
..
نعمل إيه ؟؟؟ ثلاث خطوات أساسيه وهامه ..
أولاً .. تستعن بالله تعالى و تعرف وتتاكد إنك كده بتؤذيهم أذى شديد على المدى البعيد !! الخوف بيسبب أمراض جسمانيه مش نفسيه بس .

ثانياً .. نعرف سبب الخوف المرضى عند الأب أو الأم .. قد تكون صدمه كمرض شديد لأحد الأبناء .. أو فقدان شخص عزيز والخوف من تكرار التجربة..
وهذه الحاله تحتاج إلى اللجوء لشخص متخصص ليساعد فى تجاوز وتحرير الصدمة .. مجال العلاج النفسى الحديث يقدر يحرر أكبر صدمات حياتك فى دقيتين بالظبط تقنيات قوية ومؤثرة جداً زى تقنية الحرية النفسيه وتقنيات التوازن العاطفى المتعدده ..

ثالثاً.. حديث صريح ومباشر بقلب وعقل متفتح مع الأبناء .. أوعدك إن الحديث سيكون مفاجىء لك جداً وهتكتشف إنك فيه حاجات مكنتش تعرفها عنهم ولا تتوقع إنها حتى تخطر ببالهم

مقالات ذات صلة

رأيك يهمنا شارك الان

زر الذهاب إلى الأعلى