توك شو

أحمد موسى ” رفع الجمارك على الدواجن المستوردة قرار غير حكيم ، ومفيش حاجة بترخص في البلد طالما مفيش رقابة ولا رصد للأسواق.

إعلان

خاص ع المكشوف 

كتبت / هبه فوزي

قال الإعلامى أحمد موسى، خلال تقديمه برنامج” على مسئوليتي ” المذاع اليوم الثلاثاء على قناة” صدى البلد ” إن الأسعار نار ده رغيف العيش الحاف غلي، هو إيه اللي في البلد هو إيه اللي بيحصل، الرغيف أبو 50 قرش بقى بـ 60 قرش وفي أماكن أخرى بـ 75 قرش وده من غير لا حتة جبنة ولا مربى ولا اي حاجة.

وتابع قائلا” طب لو أسرة من كام فرد تعمل إيه، إيه الجبروت ده، لو هتاكل عيش وجبنه وطعمية وجرجير اكلة بسيطة زي دي بـ 6 جنيه.

وأكمل موسى: “قرار الحكومة برفع الجمارك عن الفراخ المستوردة عجيب ومش هيرخص الأسعار ومفيش حاجة بترخص في البلد طالما مفيش رقابة ولا رصد للأسواق، وفي ناس خسرت مليارات بعد القرار”.

وقال : ” المواطن يعمل إيه لمواجهة الأسعار المرتفعة؟ فالشعب يعانى من ارتفاع الأسعار وكان من الأولى رفع الجمارك عن الأعلاف ومستلزمات الانتاج بدلا من الدواجن المستوردة”

وتساءل أيضا “ما الهدف من رفع الجمارك على الدواجن المستوردة وفى مصلحة مين القرار ده ، ومين المستفيد ؟”، مشيرا إلى أن “العاملين فى مجال الدواجن يصرخون من هذا القرار”.

مقالات ذات صلة

رأيك يهمنا شارك الان

زر الذهاب إلى الأعلى