جابر نصار يدعو الطلاب وهيئة التدريس والعاملين على سحور أمام قبة الجامعة

دعا الدكتور جابر نصار – رئيس جامعة القاهرة – جميع الطلاب والطالبات، وهيئة التدريس، والعاملين، إلى سحور جماعي، يوم 17 رمضان، في إطار تشجيع الأنشطة الطلابية.

وكتب “نصار” – تدوينة على حسابه بموقع التواصل الاجتماعي “فيسبوك”، اليوم الخميس -: “صباح الخير على الجميع، في إطار تشجيع مبادرات النشاط الطلابية بجامعة القاهرة (اقترح نشاطك واحنا ننظمه معاك) ندعو الطلاب و الطالبات وأعضاء هيئة التدريس والعاملين إلى سحور يوم 17 رمضان أمام القبة ابتداء من 11 مساء”.

وأضاف: “حاجة كدة تفرح بجد عربيات فول وطعمية ومفاجأت كتيرة، عربيات كبدة وسجق، وكله مضمون وفواكه ومكسرات، وكل اللي تتخيله، مش بس كده دي هتبقى ليلة من ألف ليلة”.

وتابع: “تنورة ومديح وفلكلور شعبي وكمان الطفل الجميل أحمد السيسي، مفاجأت عديدة ومتعددة بجد، هتنبسط يعني هتنبسط، البنات ممكن تيجي مع حد من عيلتها أبوها، أخوها والدتها أهلا بهم، طالبات المدينة كمان هيكون فيه باص يجيبهم ويرجعهم، هتكون ليلة جميلة وأحلى ليلة”.

وواصل: “تحية الطلاب HOW TO BE أصحاب الفكرة والمنظمين الأساسيين، والواد “شهاب” لما حلق شعره مخه بدأ يشتغل شغل جامد، يلا تعالى اسحر مع لمة جميلة أمام قبة الجامعة وخد لقطة تاريخية مش هتنساها، رابط التسجيل والحفل مجاني”.

وتابع: “على فكرة الحفل له رعاة، يعني تأكل وتشرب وتفرفش مجانًا والجامعة لن تتكلف شيئًا، مش بقولك جامعتك جامعة مختلفة وبتفكر فيك، وسيبك من موضوع الخيمة بقي وحقك علي هتروق وتحلي وهتبيقي أحلى سنة على الحقوق والجميع في كل الكليات، وكل عام وأنتم بخير”.