ولا ايد عدو بس يمسها
شاعر الغلابه / تامر عناني
لأخر لحظه في حياته دافع عنها
ووهبلها كل حياته عشان بيحبها
اقسم يمين ما يهزه خوف
قال عندي اموت
ولا ايد عدو بس تمسها
كان كل همه متنحنيش
ولا يكسرك شيئ يا وطن
ضحى عشان شعبك يعيش
قدم حياته ليك تمن
واهو عاش بطل
واهو مات بطل
هو ابن بطن الارض دي
وصاين عرضها
صوت رصاص الغدر صابه ودمه ساح
قال هيجي غيري هيكمل كفاح
مات لكنه ساب رساله للي بعده
يحمي بلده بروح مش بس السلاح
كان كل همه متنحنيش
ولا يكسرك شيئ يا وطن
ضحى عشان شعبك يعيش
قدم حياته ليك تمن
واهو عاش بطل
واهو مات بطل
هو ابن بطن الارض دي
وصاين عرضها
الدم غرق بدلته وتشوفه
راضي ومات سعيد
لبلاده كانت خدمته واهو
أجره عند الله شهيد
عاش للبلد مات للبلد
كت همه من يوم ما اتولد
علم ولاده تحبها
ومن بعده تحفظ عرضها
كان كل همه متنحنيش
ولا يكسرك شيئ يا وطن
ضحى عشان شعبك يعيش
قدم حياته ليك تمن
واهو عاش بطل
واهو مات بطل
هو ابن بطن الارض دي
وصاين عرضها
