اشعار ادبيه

قصيدة فرحة شهيد

إعلان

 

كلمات الشاعر/ محمد احمد توفيق نمر

صباح الخير لكنه حزين
علي ارواح الفدائيين
غلابة وطول عمرهم عايشين
دا فيه اللي كان سند اهله
وفيه اللي كان هيتجوز
ليوم الفرحة بيجهز
ومنهم شاب غلبان
ملوش دعوة بسياسة
خلاص كام يوم وهيسلم
دي فترة ومنها إتعلم
لكن ياخسارة اهو
اتعلم ولا سلم
بيد الغدر استشهد
وكان بيحمي اوطانه
ومات راجل وكان واقف علي رجليه
ولا اتخبي ولا اتدسدس
وغطي ملامحة ويا عينيه
لا منك هو كان خايف
ياخاين كان عملك ايه
وايه ذنب اطفال تبكيهم
وتحرمهم من ابوهم ليه
جابوك ياولدي شايلينك
ولفينك في العلم متشال
لا ابكي ولا افرح
ولا لاقيه كلام يتقال
لكن حساك بتحضني
وبتقول افرحي يا امي
انا جتلك وقلبي شهيد
وشايف الجنه ياامي
بتنده لي في ليلة عيد
ومتحزنيش ولاتخافيش
انا في الجنة اكيد عايش
عروستي حوريه م الجنه
مفيش في جمالها بالدنيا
وكان نفسك تزفيني في يوم فرحي
آديني يا امي قدامك
ونفسي ابوس علي اقدامك
امانة تزغرطي يا امي
وانا نازل علي قبري
وبتراب مصر غطوني
وسيبوا الدم علي كفني
انا دمي ليوم الدين
هيفضل كدا طاهر
انا البطل انا الشهيد
ولا عالفاضي بتظاهر
اهداء لكل ارواح شهدائنا الابرار

مقالات ذات صلة

رأيك يهمنا شارك الان

شاهد أيضاً
إغلاق
زر الذهاب إلى الأعلى