زي انهاردة من سنة
كتبت : مي مجاهد
من سنة جالي هنا
وقالي سامحيني
يا نور حياتي وعيني
مش لاقى في بعدك طعم الهنا
اسامح .. مش فاكرة اني زعلت
أو في يوم غاب عني أو بعدت
حتى لو كتيييير بالكلام هددت
قلبي مع لمسته دق
شق سور غربتي شق
مسك اديا وقالي وحشتيني
بين اديكي يا حبي احييني
رجعيني تاني أكون انا
سكت سكتة من كسوف
اصله كل عمري وسنيني
ويمكن بدور على حروف
توصف مشاعري وحنيني
خدت نفسي واتشجعت
برفع عنيا ملقتوش
بصيت يمين وشمال
ودماغي فيها ألف سؤال وسؤال
ولسه سامعه تزويق كلامه والنقوش
بعلو حسي يا حبيبي ناديت
مردش غير صدى
وصوت أنين في الفضا
وشهقة صبية من وسط البكا
قلبها مجروح وماليه وجع وخوف
ضمه صوت أذان مع ترنيمة صلاه
وبقت من قلبها المظلوم دعوة
اتنهدت من قلبي ومشيت
و قدمت خطوة ورا خطوة
ومن جوابا خلاص أقسمت
هتلاقي غيري وحدة ثانية
من عز حزني تلقى ضحكة
كلها سعادة وفرحة
عايشة وحدي بس مش حاسه وحدة
وانت هتيجي تاني بس هكون نسيت
حتى مش هفتكر اني في يوم حبيت
أو في يوم سهرت وبسببك بكيت
مش هفتكر غير وجع اترسم في قلبي من سنة
