مقالات

الكراش كلمة قتل بسببها معظم حياء البنات

إعلان

كتب : محمد رفعت زغابير


– انتشرت بين الشباب والبنات علي موقع التواصل الاجتماعي “فيس بوك” ظاهرة “الكراش” بصورة كبيرة …ماذا تعني كلمة الكراش !!!!.


 

– الكراش يعني (الشاب المُعجبه بيه )البنت 😊 او العكس
كلمة قُتِل بسببها معظم حياء البنات 💔
– مكنتش حابب اتكلم او اتطرق في الكلام عن هذا الموضوع لكن لازم أتكلم عنه .


 

– ياريت حدش يقولي ما تكبرش الموضوع دي كلمة عاديه هو انت شايفهم راحوا كلموا الشباب دول يعني ولا بيقابلوهم.

لا والله الموضوع كبير فعلًا 😢😢
عارفين ليه علشان???

– لما بنت تنزل صورة شاب لمجرد ان عنده شوية فانز عملوه مشهور وتكتب علي صورته الكراش بتاعي..!
يبقي الموضوع كبير .👌👌

– لما بنت تاخد صور الشباب ايا كان هما مين وتنزلها بوستز او المنشورات علي صفحات الفيس بوك وصحابها يعملو معاها حفله ويتغزلوا فيه معاها بدل ما ينتقضوها عن خطأها والموضوع يطول عن البدايه ..!
يبقي الموضوع كبير ✌


 

– لما البنت تطلق بصرها في الغزل والمدح للشباب ولسانها ياخد علي الغزل والمدح في الشباب وعنيها تاخد علي النظر في ده وده يبقي الموضوع كبير بل ومصيبة أصلًا .😕😕


 

– انا عارف ان كلامي ممكن يزعل بنات كتير جدا ويدايقهم كمان
بس صدقوني انا كاشاب لا يمكن هسمح ابدا او هرضي علي نفسي ابدا ان خطيبتي او مراتي او اختي او بنتي او صديقتي تعمل كده وتتغزل ف شباب بالشكل ده ، واللي مش هرضاه علي اللي يخصني مش هرضاه علي اي بنت من بنات بلدي. 🌸🌸


 

– هتقولولي انت مأڤور الموضوع ليه كده ايه علاقة الحياء بالهزار ده
لا ده مش هزار وإن كان ظاهره كده البنات بتعملها وخلاص الا إن ما يخفيه الهزار ليكم تحت مسمي الهزار أدهى وأضل سبيلا .✌👌


 

– دي خطوه من خطوات استدراج الشيطان للبنت لانعدام الحياء من النساء إنتي كبنت لما تطلقي بصرك ف الشباب ماذا استفدتي ايه بالله عليكي..؟!!!


– طبعا لم تستفيدي اي شيئ غير انك أخدتي ذنب ، وعصيتي أمر الله بنهيك عن إطلاق البصر ومن الممكن ان يصفك الغير بعديمة الحياه ، ودخلتي نفسك في دوامة كبيره جدا.
عارفه ازاي؟؟؟
هقولك 🌸😍

– لما تتجوزي صدقيني مش هتكوني عمرك قانعه بما رزقكِ الله لأن بصرك مُطلق في هذا وذاك فربنا هيحرمك الرضا بزوجك ودايمًا هتحسي إنك عايزه الأفضل وساعتها هتشوفي مشاكل ف علاقتك مع زوجك ملهاش نهايه غير الطلاق وخراب البيت اللي لسه مش ابتديتي في إنشاءه ،،،اكيد اقتنعتي بالكلام. 🌸👏😅


 

– وده أقل عقاب إنك تعيشي غير راضيه عن زوجك وحياتك
فـ ليه توصلي نفسك للمرحله السيئة مع العلم ان ف ايدك العلاج .


 

– واعرفي حاجه مهمه والله من غض بصره عن ما حرمه الله أنار الله
بصيرته بكل خيرٍ يرضاه.😉😉


 

– حافظي علي عيونك عشان تعرفي تحافظي علي قلبك للشخص اللي ربنا كاتبهولك.


– وخلي في بالك دايمًا إن الحياء شعبة من شعب الإيمان فما تقتليش حياءك عشان حاجه ما تستاهلش ا? 👌💜


– انا كتبت كلامي باللغه العامية والسهله والبسيطه الثلثه لاني نفسي توصل ل أكبر قدر من البنات ويقرأوها وأتمني انهم يعيدو ويراجعو تفكيرهم تاني في موضوع ” الكراش ” ساعتها ممكن احس ان انا عملت اضافة وترجع بناتنا وبنات مصر الجميله ل كثوفها وحيائها اللي بيميزها كابنت مصريه اوشرقيه بصفه عامه ل أجمل حاجه اللي هي حيائها وكثوفها وروحها الجميله.🌸🌸

مقالات ذات صلة

رأيك يهمنا شارك الان

زر الذهاب إلى الأعلى