بورصة الراي

الحب الحقيقي و التعلق

إعلان

 

بقلم  : ريهام محيي


**الحب الحقيقي**


سهام شوفتي حازم متصلش بيا بقاله اسبوع ازاي ميتصلش معقول كده انامش قادره استحمل ومش عارفه هو ليه بيعمل معايا كده انا حاسه ان حياتي واقفه عليه انا بحبه اوووي ….
في ايه يامروه عادي يابنتي ممكن بس يكون عنده ظروف او حاجه مانعاه انه يتكلم مش عارفه ليه محسساني انه حازم ده مركز الكون بنسبالك لومش موجود يبقي خلاص حياتك خربت .


*سؤال هسالهولك وجاوب عليه تفتكر كده سهام بتحب حب حقيقي ؟؟؟


الاجابه :لا مش بتحبه حب حقيقي
سهام متعلقه بيه فرق كبير بين الحب والتعلق
وللاسف معظم الناس واقعه في التعلق ده وبتقول عليه حب
طيب هعرفك ازاي تعرف ان اللي جواك تعلق مش حب
لما تبقي متعلق بالطرف التاني بتبقي حاسس انه بيكملك انه حياتك ناقصه من غيره بتبقي غالبا فاقد الامان والاستمتاع في حياتك لما بتلاقيه بتعلق امانك عليه واستمتاعك عليه بتلومه بشده لو بعد عنك دايما عايش في اختبار بيحبك ولا مبيحبكش بتبقي حاسس انك مش قادر تعيش من غيره غيابه عنك بيدمرك بتبقي عاوز تظهر احلي مافيك قدامه عشان خايف تخسره لو فيك حاجه مش عجباه بتتغير عشانه مش عشان نفسك بتبقي بالظبط زي المدمن …
للاسف التعلق ده بيخلي الطرف التاني يبعد عنك لانك بتسحب منه طاقه فهو بينفر منك كل مايزيد تعلقك كل ماهينفر منك لانك زي ماقولت من جواك شايف انك مش كامل شايف انه هو اللي بيكملك فبتسحب منه
ده التعلق ودايما بيحصل فيه الم وجرح .


طب ايه هو الحب ؟؟؟


مش هتعرف تحب غير لما تكون بتحب ربك اولا ونفسك ثانيا
وهقف شويه عند نفسك مش معني حبك لنفسك انك تكون اناني لان الاناني اصلا معندوش ثقه في نفسه ومبيحبش نفسه الاناني بيحب الصوره الوهميه اللي راسمها لنفسه قدام الناس ولو انت اناني تعرف ازاي
هقولك ركز معايا 👀👀
هتلاقي نفسك بتحب فلان عشان نفسك يعني بتحب فيه انه بيسندك
او بتحب حبه ليك
او بتحب انه بيضحكك يعني بتحبه عشان حاجه ليك مش بتحبه لشخصه .


اومال امتي هعرف اني بحب بجد ؟؟؟


اتفقنا انك مش هتعرف تحب غير لما تكون بتحب ربنا بتحب نفسك بتحب عملك حياتك فيها امان واستمتاع يعني مش محتاج حد يكملك انت حاسس باشباع لوحدك وقتها هتعرف تحب هتبدأ تشوف بقي مين يكمل معاك رسالتك مش مين تحس معاه انك كامل مش مين اللي من غيره حياتك هتقف الحب اللي بجد عمره ماهيجبلك مشاعر سلبيه .


❤الحب❤


هو انك تحب الشخص من غير ماتستني منه مقابل لأي حاجه من غير ماتستني يسأل عليك بتتقبل اي حاجه منه بتحب عيوبه ومميازته مش بتركز علي سلبياته دايما بتبقي شايف مميزاته لو بعد بتشتقاله بس اشتياق ميوجعكش ميحسسكش انك بتتدمر بالعكس اشتياق يبسطك يخليك مبسوط اول ماتتكلمو .
لما تحب بجد عمرك ماهتقول مين اللي يبدأ هيبقي عادي عندك انا هو مش فارقه هتبقي بتتدي مش مستني تاخد اصلا استمتاعك هتلاقيه وانت بتتدي .
لما تحب بجد مش هتتجمل هتظهر بطبعيتك لانك مش خايف مش حاسس بحاجه ناقصه جواك مش حاسس ان طبيعتك هتخسرك بالعكس انت واثق في نفسك .


الحب الي بجد 


هو الحب الكامل اللي بيمشي في اطاره طبيعي اللي وانا فيه مبقاش خايف لاني مبعملش حاجه غلط
الحب الكامل في حالة شحن مستمر
طول ماحب ربنا رقم واحد
هتبقي وقتها في حالة اشباع تام ولما تحب هتدي طاقه حب وتسحب ليك طاقة حب
هو ده الحب الناجح الحب الحقيقي مش اللي بيظهر في الميديا واللي بيجيب وجع والم .


نقيس بقي علي الكلام ده اي حاجه يعني مثلا الشغل
 في فرق بين حب الشغل وبين التعلق بالشغل 
التعلق بالشغل هو اللي بيدمر هو اللي بيجب مشاعر سلبيه لان الشخص المتعلق بالشغل حاسس انه ناقص حاسس ان الشغل هو اللي بيكمله 


*الحل ايه ؟؟؟


زي ماقولت عشان تقضي علي التعلق بأي حاجه
حب ربنا ثم نفسك ثم عملك تبقي عايش عشان رساله وهدف تحس انك شبعان مش ناقص مش محتاج حاجه تكملك خلي عندك ثقه في ربنا وفي نفسك .


اتمني اني  أكون قدرت أفيد  أكبر عدد حتي يتثني للجميع معرفة  هو عاوز ايه بالظبط هو بيحب ولا اللي جواه تعلق
و اتمني ان برأي ده  اقدر اغير الفكرة الي عند الجميع عن الحب ونرجع تاني نحب بجد الحب اللي يدوم وينجح ومفيش حاجه تاثر فيه .

مقالات ذات صلة

رأيك يهمنا شارك الان

شاهد أيضاً
إغلاق
زر الذهاب إلى الأعلى