meta property="fb:pages" content="332020570480155" /

مركب ورق

مركب ورق

خاص ع المكشوف

مركب ورق
اضعف من الضعف بكتير
لو يوم غرق
تغرق معاه احلام كتير
علشان كده
كل الحموله ف قلبه روح
مالهاش نظر غير ع البراح
خفة جناحها مطيراه
ابعد من البعد ف مداه
ممكن يغالب موج عتى
يطلع على سطحه ف علاه
ممكن يصاحب موج فتى
وان يوم تروق يرفص معاه
ممكن يضايف عصفورين
ممكن يأمنهم حنين
ممكن كمان ف المغربه صياد
يغوى يلاغى الميه رزق ولاد
يرمى بطول ايده الشبك
وإن يوم شبك
يدعى عليه ينعاد
مالهوش ف تعريج الخطوط
غير لما نوه تطوحه وترنحه
رقصه عنيفه تهز سقف القوت
ف يشت مغصوب م الوجع
بس ف خياله
م الهواده اثر
ــــــــــــــــــــــ
الشاعرة / غادة الكاميليا

13265845_999186753506267_437988951317901000_n

Facebook Comments

نبذة عن الكاتب

مقالات ذات صله

رأيك يهمنا شارك الان

%d مدونون معجبون بهذه: