meta property="fb:pages" content="332020570480155" /

فى حب سيناء ” نقطة وحبتين “

فى حب سيناء ” نقطة وحبتين “

نقطة وحبتين

نقطة م السما نازلة بتسبح اسم الله

وحبة من النبات بذرة من معجزات الله

وحبة رمال في الصحاري ساكنة ملكوت الله

اتجمعو هنا عندنا في سينا

وبقو شجرة زيتون  شكلها زينة

الي عشانها اليوم كلنا  هنا جينا

نقطة وحبتين

نقطة عرق ياجدع تبقي الصحرا بستان

وحبة فلوس مع فكر بيميزو الانسان

وحبة حبة هيظهر خير العرق ويبان

نقطة وحبتين

نقطة من زيت الزيتون عملتلنا مصانع

وحبة زتون في العلب كان شكلها ساطع

وحبة مع نفسي وقفت اقول

 لو كل ده عندنا هيبقي اية المانع

نقطة وحبتين

نقطة ندي ع الشجرة كات بين عصفورتين

وحبة زتون زاد جمعت مابين الاتنين

وحبة في الهوا طارو وكان الكلام بالعين

نقطة وحبتين

نقطة من دم الشهيد روت كل الصحاري في سينا 

حبة وبقت الرمال تربة ولا جنينة

وحبة غالية قوي الي نبتها فوق دم اهلينا

نقطة وحبتين

نقطة اسعاف وسط مزارع الصحرا راح اعملها

وحبة اجهزة طبية ومعدات هجبها

وحبة ممرضين وطبيب ولد

 لا يوم يهرب ولا يسبها

نقطة وحبتين

نقطة عساكر لجل الامان يكون موجود

وحبة سلاح مش كتير لكن يكون محدود

وحبة رجال جدعان كما الي هنا عندنا

واقفين علي الحدود

نقطة وحبتين

نقطة ميه لو كل مصري بعتها سينا هيبقي عندنا انهار

وحبة هيختفي الليل وهتبقي كل الليلي نهار

وحبة حبة كدة لو عدو فكر يجينا قبل ما يجينا هينهار

 

 

 

 

Facebook Comments

نبذة عن الكاتب

مقالات ذات صله

رأيك يهمنا شارك الان

%d مدونون معجبون بهذه: